Wie En Wat Is Ons Plek

WIE IS ONS?

Ons Plek Directory PTY Ltd is Suid Afrika se enigste publieke databasis -en gids vir ondernemings en eenmansake met Volkseie eienaars asook vir entrepreneurs. Soortgelyke aanlyn gidse is reeds volop beskikbaar vir die meerderheidsgroepe in Suid Afrika.

‘n Ekonomiese bemagtigings inisiatief vir ‘n groep mense wat by verre in die minderheid is in ons land. Ons Plek Directory PTY Ltd is ‘n geregistreerde besigheid in privaat besit en nie ‘n Nie-winsgewende organisasie nie.

In die begin van Mei maand 2020 het die stigter en eienaar van Ons Plek Directory, Isabella Oosthuizen die besluit geneem om hierdie platform op die been te bring as ‘n hulpmiddel vir mense wat as gevolg van die Covid pandemie en geen finansiële hulp van die regering van die dag baie swaar gekry het.

DIE PROBLEEM:

• Sosiale media platforms is beskikbaar maar nie gestruktureerd nie en die hoeveelheid mense wat   daarop adverteer maak dit bykans nutteloos as jy dophou hoe vinnig ‘n advertensie afskuif in die groepe op die sosiale media platforms.
• Vals besighede en advertensies en skelmstreke is volop
• Onwettige produkte en dienste is in oorvloed beskikbaar en
• Baie van Ons Plek Directory se teikenmark voel meer en meer onwelkom en ontuis op spesifieke   sosiale media platforms om die eenvoudige rede dat die morele waardes en standaarde van hierdie platforms teenstrydig is met ons eie.

DIE OPLOSSING:

• Maak gebruik van ‘n maklik bereikbare, gestruktureerde platform om jou diens of produk te adverteer
• Ondersteun klein ondernemings en entrepreneurs. Bemagtig mekaar. In jou eie buurt is die kans 80% dat jy alles sal kan kry wat jy benodig. Dit sluit dienste en produkte in. Leer die gewoonte om in jou voertuig te klim en winkelsentrum toe te ry elke keer dat jy ‘n brood of ‘n haarsny nodig het af.
• Ons Plek Directory lewer ‘n diens teen minimale koste. Daar is verskeie pakkette beskikbaar.

WAT MAAK ONS PLEK DIRECTORY UNIEK?

• Ons is ‘n familie. Ons Plek Directory is nie net ‘n Besigheidsnaam op jou selfoon se kontaktelys nie. Elke e-pos, oproep en boodskap word deur Isabella persoonlik beantwoord.
• Hoeveel keer het jy al die vrymoedigheid gehad om na 17:00 in die middag of selfs 20:00 op ‘n Saterdagaand ‘n diensverskaffer deur middel van ‘n whatsapp oproep of selfs net ‘n boodskap te kontak om ‘n verandering aan jou besigheidsadvertensie aan te bring?
• Indien jy dit wel al gedoen het, hoeveel keer is daardie boodskap of oproep bykans onmiddelik beantwoord en jou verandering aangebring?
• Dit is die grootste verskil tussen Ons Plek Directory en ander soortgelyke besighede. Uitstekende kliëntediens is Nommer Een Prioriteit, Altyd.
• Eerlike, deursigtige besigheid en goeie kommunikasie is nie opsioneel nie, dit is ‘n absolute vereiste.

Baie dankie dat jy Ons Plek Directory se blad besoek het. Maak dit asseblief ‘n deel van jou daaglikse roetine en vertel jou vriende en familie van ons.